कोरोना अपडेट: थप १६८१ संक्रमित, ४१८७ संक्रमणमुक्त
काठमाडौँ,असार १ । नेपालमा बितेको २४ घण्टामा देशभर १ हजार ६८१ जना कोरोना संक्रमित थपिएका छन । मंगलबार विभिन्न जिल्लामा गरिएको ७ हजार ४४९ पीसीआर परीक्षणमा १ हजार ६८१ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।
त्यस्तै ५ हजार ८४१ जनामा गरिएको एन्टिजेन परीक्षणमा १ हजार ६४ जनामा कोरोना संक्रमण पुष्टि भएको मन्त्रालयले जनाएको छ । पीसीआर र एन्टिजेन परीक्षणबाट कुल २ हजार ७४५ जनामा संक्रमण पुष्टि भएको मन्त्रालयले जनाएको छ । यससँगै नेपालमा पीसीआर परीक्षणमा कोरोना देखिनेको संख्या ६ लाख १२ हजार २०२ पुगेको छ ।
त्यस्तै २४ घण्टामा ४ हजार १८७ जना कोरोना संक्रमणमुक्त भएका छन् । योसँगै कोरोना संक्रमण भइ निको हुनेको संख्या ५ लाख ४० हजार ४३९ पुगेको छ ।सोही समयावधिमा देशभर गरी थप ४१ जनाको मृत्यु भएको छ । यससँगै नेपालमा कोरोनाबाट मृत्यु हुनेको संख्या ८ हजार ५०६ पुगेको स्वास्थ्य मन्त्रालयको तथ्यांकमा उल्लेख छ ।