सवारी दुर्घटनामा परी काभ्रे र कैलालीमा दुई जनाको मृत्यु
काठमाडौं,जेठ ३१ । सवारी दुर्घटनामा परी काभ्रे र कैलालीमा दुई जनाको मृत्यु भएको छ ।
काभ्रेको बनेपा नगरपालिका–२ कलममसीस्थित सडकमा बा. २२ प ९९८ नम्बरको मोटरसाइकल अनियन्त्रित भई सडकबाट करिब ५ मिटर तल खसेर आइतबार राति दुर्घटना हुँदा मोटरसाइकल चालक सोही नगरपालिका–२ बस्ने सर्लाही लालबन्दी घर भएका २८ वर्षीय राज मगरको मृत्यु भएको छ ।
त्यस्तै कैलालीको धनगढी उपमहानगरपालिका–३ ट्राफिक चौराहमा से.५ प २६७१ नम्बरको मोटरसाइकलको ठक्करबाट साइकलयात्री भजनी नगरपालिका–१ बस्ने ४६ वर्षीयि सादुराम डगौराको आइतबार साँझ मृत्यु भएको छ ।
ठक्करबाट गम्भीर घाइते भएका उनको सेती प्रादेशिक अस्पताल धनगढीमा उपचारको क्रममा मृत्यु भएको हो । साथै घाइते मोटरसाइकल चालकलाई सोही अस्पताल हुँदै थप उपचारका लागि लागि माया मेट्रो अस्पताल धनगढी तथा मोटरसाइकलमा सवार १ जनालाई थप उपचारका लागि निसर्ग अस्पताल धनगढी पठाइएको प्रहरीले बताएको छ ।
घाइते दुबै जनाको अवस्था गम्भीर रहेको छ । घाइते भएका साइकलयात्री उपचार पश्चात डिस्चार्ज भएका छन् । दुर्घटनाका सम्बन्धमा प्रहरीले थप अनुसन्धान भइरहेको छ ।