पाल्पामा टिप्पर दुर्घटना, एक जनाको मृत्यु
पाल्पा,जेठ ३० । पाल्पामा टिप्पर दुर्घटना हुँदा एक जनाको मृत्यु भएको छ । दुर्घटनामा चार जना घाईते भएका छन् ।
तानसेन तम्घास सडकखण्ड अन्तर्गत रिब्दीकोट गाउँपालिका २ लघुवामा बुटवलदेखि गुल्मीतर्फ जादै गरेका बा ४ ख ७३२० नम्बरको टिप्परले सोही दिशातर्फ जादै गरेको प्रदेश नं। ३ ००१ क ०२५० नम्बरको टिप्परलाई ठक्कर दिदाँ दुर्घटना भएको प्रहरीले जनाएको छ ।
दुर्घटनामा गुल्मीको रुरु गाउँपालिका २ का ४५ वर्षीय टंक बहादुर कुँवरको मृत्यु भएको जिल्ला प्रहरी कार्यालय पाल्पाले जनाएको छ ।
दुर्घटनामा परी गम्भीर घाईते भएका उनलाई तानसेनस्थित युनाईटेड मिसन अस्पतलमा पुर्गाउदै गर्दा मृत्यु भएको प्रहरीले जनाएको छ ।
यस्तै अन्य ४ जना घाईतेहरुको मिसन अस्पतालमा उपचार भईरहेको प्रहरीले जनाएको छ । जस मध्य रुरु गाउँपालिका २ की ४२ वर्षीया रमा कुवंर र ललितपुर घर बताउने अन्दाजी २६ वर्षीय राजेन्द्र बजगाईको अवस्था गम्भीर रहेको प्रहरीले जनाएको छ ।
गुल्मीको रुरु गाउँपालिका २ का ३८ वर्षीय अशोक कुवँर र नवरपरासीको सुनवल नगरपालिका ९ का २२ वर्षीय किसन कुवंरको अवस्था सामान्य रहेको प्रहरीले जनाएको छ । घटनाबारे अनुसन्धान जारी रहेको जिल्ला प्रहरी कार्यालय पाल्पाका सूचना अधिकारी रामेश्वर त्वातीले बताए ।