प्यूठानमा कार दुर्घटना, चालकको घटनास्थलमै मृत्यु
प्यूठान,जेठ २९ । प्युठानमा कार दुर्घटना हुँदा एकजनाको मृत्यु भएको छ । कार जिल्लाको मल्लरानी गाउँपालिका ४ स्थित मल्लरानी नजिकै शनिबार दुर्घटना भएको हो ।
जिल्ला सदरमुकाम खलङ्गावाट मल्लरानी तर्फ जाँदै गरेको कोष तथा लेखा नियन्त्रण कार्यालय प्यूठानको घ १ झ ५ नम्वरको कार सडकबाट करिब ७० मिटर तल खसेर दुर्घटना हुँदा सो कारका चालकको घटनास्थलमै मृत्यु भएको प्रहरीले जनाएको छ ।
मृत्यु हुनेमा कार चालक तुल्सिपुर उपमहानगरपालिका वडा नं. ४ का प्रकाश आचार्य रहेको जिल्ला प्रहरी कार्यालय प्यूठानका प्रबक्ता प्रहरी निरिक्षक देवीप्रसाद गैरेले जानकारी दिए । कार कच्ची सडकमा चिप्लेर दुर्घटना भएको हुनसक्ने प्रहरीले प्रारम्भिक अनुमान गरेको छ।