पछिल्लो २४ घण्टामा ६९५१ जना निको, थप ४४७२ संक्रमित

काठमाडौ,जेठ २४ । नेपालमा पछिल्लो २४ घण्टामा कोरोना संक्रमित भन्दा निको हुनेको संख्या वृद्धि भएको छ । पछिल्लो २४ घण्टामा केहि दिन यताको तथ्यांक झैं कोरोना संक्रमित भन्दा निको हुने दर वृद्धि भएको हो ।  

स्वास्थ्य तथा जनसंख्या मन्त्रालयका अनुसार पछिल्लो पछिल्लो २४ घण्टामा कुल ६ हजार ९५१ जना संक्रमण मुक्त भएका छन् सोही समयावधिमा ४ हजार ४७२ जना नयाँ संक्रमित थपिएका छन् । 

पछिल्लो २४ घण्टामा ९२ जनाले ज्यान गुमाएका छन् । यससंगै नेपालमा कुल मृतकको संख्या ७ हजार ९९० पुगेको छ।