नेपालमा थप ६०८५ जनामा कोरोना सक्रमण पुष्टि, निको हुने ६८९८

काठमाडौ,जेठ १८ । नेपालमा बितेको २४ घण्टामा थप ६ हजार ८५ जनामा कोरोना सक्रमण पुष्टि भएको छ । २४ घण्टा समयावधिमै ६ हजार ८९८ जना संक्रमित निको भएका छन् ।

कुल २० हजार १६५ जनामा कोरोना परीक्षण गर्दा ६ हजार ८५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । सोही अवधिमा ६८ जनाको मृत्यु भएको मन्त्रालयले उल्लेख गरेको छ ।

यससँगै देशभर कोरोनाबाट ज्यान गुमाउनेको कुल संख्या ७४५४ पुगेको छ भने संक्रमितको कुल संख्या ५ लाख ६६ हजार ५८७ पुगेको छ । 

नेपालमा कोरोना संक्रमण भइ निको हुनेको कुल संख्या ४ लाख ५४ हजार ३४४ पुगेको छ । हाल देशभर १ लाख ४ हजार ७८९ सक्रिय संक्रमित रहेको तथ्यांक सार्वजनिक गरिएको छ ।