के कति छ सुनचाँदीको मूल्य ?

काठमाडौ,जेठ १२ । आज बुधबार नेपाली बजारमा सुनको मूल्य स्थिर रहेको छ । मंगलबार २ सय रुपैयाले घटेको सुनको मूल्य आज स्थिर रहेको हो ।

मंगलबार तोलाको ९३ हजार ५ रुपैयामा कारोबार भइरहेको छापावाल सुनको मूल्य आज स्थिर रही सोही मूल्यमा नै कायम रहेको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको मूल्य पनि प्रतितोला ९३ हजार रुपैयाँमा कारोबार भइरहेको छ । त्यस्तै आज चाँदीको मूल्य स्थिर रही तोलाको १ हजार ३ सय ५० रुपैयामा नै कारोबार भइरहेको महासंघले जनाएको छ ।

आज बुद्ध जयन्तीको दिन सार्वजनिक विदा भएका कारण सुनचाँदीको मूल्य स्थिर रहेको हो ।