दाङमा भारतीय नम्बरको कार भित्र तीन जना बालकको शव भेटियो

दाङ,वैशाख १९ । जिल्लाको तुलसीपुर उपमहानगरपालिका ६ स्याउली बजारमा तीन जना बालकको शव भेटिएको छ ।

पार्किङ गरिराखेको भारतीय नम्बर प्लेट जे ०१६६०८८५ नम्बरको कारभित्र तीन वटा बालकको शव भेटिएको हो।

प्रहरीका अनुसार भारतीय नम्बरको निसान कार भित्र तीन बालकको शव भेटिएको हो । उक्त कार माघ महिना देखि पार्किङमा रखिएको थियो । तर शव हेर्दा केहि दिन अघिको जस्तो देखिएको इलाका प्रहरी कार्यालय तुल्सीपुरका प्रहरी निरीक्षक झलक शर्माले बताए ।

घट्नाका बिषयमा थप अनुसन्धान भइरहेको उनले बताए ।मृतक को हुन् र कसरी उनीहरू पार्किङको गाडीभित्र पुगे भनेर अनुसन्धान नभएसम्म केही भन्न नसकिने प्रहरीले बताएको छ ।

शनिबार बेलुका एउटा बस पार्किङका लागि कारनजिकै जाँदा कारको बत्ती बल्यो। त्यसपछि गएर हेर्दा शव देखिएको स्थानीय सवारीसाधनका मजदुरले बताएका छन् । लामो समयदेखि पार्किङ गरिराखेको कारनजिकै गएर कारभित्र हेर्दा शव देखेपछि उनीहरूले प्रहरीलाई खबर गरेपछि घटना बहिर आएको उल्लेख छ ।