नुवाकोट नेकपा एमालेको अध्यक्षमा मैनाली र सचिवमा अधिकारी चयन

नुवाकोट,चैत ३० । एमालेको बागमती प्रदेश कमिटीको बैठकले सबै जिल्लामा अधिवेशन अायोजक कमिटी गठन गरेको छ । जस अनुसार नुवाकोटमा एमालेको अधिवेशन अायोजक कमिटीको अध्यक्षमा बद्री मैनाली र सचिवमा काशिराज अधिकारी चयन भएका छन् ।

वाग्मती प्रदेशसभाको सदस्य मैनाली यसअघि नेकपाको जिल्ला कार्यकर्ता भेलाबाट अध्यक्ष चुनिएका थिए । उनी यसअघि नेकपा एमालेको निर्वाचित जिल्ला उपाध्यक्ष थिए ।

अधिकारी जिल्ला कमिटीको सचिवालय सदस्य थिए । २०५४ सालमा साविक थानसिङ गाविसको अध्यक्ष हुनुभएका अधिकारी त्यसपछि लाभको पदमा रहेका थिएनन् ।