चितवनमा ट्याक्टर दुर्घटनामा ५ जनाकाे मृत्यु

चितवन,चैत ३० । पूर्वी चितवनको राप्ती नगरपालिकामा भएको ट्याक्टर दुर्घटना हुँदा पाँच जनाको मृत्यु भएको छ ।

राप्ती नगरपालिका वडा नम्बर ११ स्थित चिउरी खोलामा वडा कार्यालय भवनको ढलानको काम सकेर फर्किंदै गरेका कामदार सवार ना १ त ६२८२ नम्बरको ट्याक्टर दुर्घटनामा परेको हाे ।

दुर्घटनामा मृत्यु हुनेहरुमा चितवनको राप्ती नगरपालिका ५ का ३५ वर्षीय खड्क लामा, चितवनको खैरहनी नगरपालिका ९ का ४० वर्षीय मगन महतो, खैरहनी ९ कै ५० वर्षकी छनिया महतो र राप्ती ४ का ४५ वर्षीय सिताराम श्रेष्ठ रहेको चितवन प्रहरीले जनाएको छ ।एकजना २४/२५ वर्षीय पुरूषकाे पहिचान खुल्न बाँकी छ । ट्याक्टरमा सवार १७ जना घाइते भएका छन् ।घाइतेहरुमध्ये ६ जनाको अवस्था गम्भीर रहेको प्रहरीले जनाएको छ।