रातापानीमा आगलागी हुँदा ५ लाखको क्षती, परियारको परिवार विचल्लीमा

प्युठान,चैत २९ । जिल्लामा शनिवार अागलागीबाट घरगाेठ जलेर नष्ट भएको छ ।

जिल्लाको माण्डवी गाउँपालिका वडा नं. २ , रातापानी स्थित माथिल्लो टाेलका स्थानिय हिरा परियारकाे घरगाेठमा अागलागी भएको हो। आगलागीवाट करिब ५ लाख बराबरकाे क्षेती भएको छ । शनिवार विहान करिब ९ बजेतिर घरमा काेहि नभएको समयमा एक्कासी अागलागी हुदा गाई,भैंसी, लत्ताकपडा , भाँडाकुँडा , अन्नपात र ५ हजार नगद जलेकाे पिडित हिरा परियारले बताएकी हुन ।

अागलागी बारे खवर गरे पनि घटनास्थलमा प्रहरी ढिला पुगेको बताइएको छ । घरमा भएको सबै समान जलेपछि परियारको परिवार छिमेकीको घरमा आश्रय लिन बाध्य भएका छन। आगलागीले विचल्लिमा परेकी परियारले सहयाेगकाे लागि पहल गरिदिन स्थानिय सरकार समक्ष माग गरेकी छन ।