शिवपुरी अध्यक्ष गोल्डकपको फाइनलमा आयोजक टीमको प्रवेश
नुवाकोट,चैत २४ । आयोजक शिवपुरी गाउँपालिका रहेको शिवपुरी अध्यक्ष गोल्डकपमा सुर्यगढी गाउँपालिकालाई ३–१ गोल अन्तरले पराजित गर्दै शिवपुरी अध्यक्ष गोल्डकप फुटबल प्रतियोगिताको फाइनलमा प्रवेश गरेको छ ।
शिवपुरी गाउँपालिकाले अमृत तामाङको गोलबाट खेलको १५ औं मिनेटमा अग्रता लिएको थियो । तर सुर्यगढीका रञ्जित गुरुङले ५४ औं मिनेटमा बराबरी गोल गरे । त्यसपछिको प्रतिष्पर्धात्मक खेलमा शिवपुरीका मोहन गुरुङले ७६ औं मिनेटमा सुन्दर गोल गरी शिवपुरीलाई खेलमा फर्काए ।
निर्धारित ८० मिनेटको खेल सकिएपछि थप गरिएको समयमा शिवपुरीका अनिश घर्ती क्षेत्रीले गोल गरी शिवपुरीको जीत सुनिश्चित गरे । खेलमा मोहन गुरुङ म्यान अफ द म्याच घोषित भए ।
शिवपुरी अध्यक्ष गोल्डकपको फाइनल खेल २५ गते बुधबार हुनेछ ।