काठमाडौं आइपुगे विप्लव, सम्बोधन अघि प्रधानमन्त्रीसंग विशेष भेट

काठमाडौं,फागुन २१ । नेपाल कम्युनिस्ट पार्टीका महासचिव नेत्र विक्रम चन्द (विप्लव) काठमाडौं आइपुगेका छन् ।

शुक्रबार विहान ९ बजे नवलपरासीबाट काठमाडौं आइपुगेको बताइएको छ ।

काठमाडौं आइपुगेका विप्लवले सभागृहमा प्रधानमन्त्री केपी ओलीसँगै सम्बोधन गर्नुअघि भेट गर्न बालुवाटार गएको स्रोतले जनाएको छ

बालुवाटारमा भेट पछि उनीहरू सँगै सभागृह जाने जनाइएको छ । आज दिउँसो दुई बजे राष्ट्रिय सभागृहमा प्रधानमन्त्री ओली र विप्लव द्वयले एकै मञ्चबाट सम्बोधन गर्ने कार्यक्रम तय गरिएको छ।