नुवाकोट पञ्चकन्या गाउँपालिकाको प्रशासकीय भवन शिलान्यास
नुवाकोट,फागुन ५ । जिल्लाको पञ्चकन्या गाउँपालिकाको प्रशासकीय भवन शिलान्यास भएको छ। पञ्चकन्याको लाकुरीभन्ज्याङमा बुधबार एक समारोहका बीच नुवाकोट नेकपाका नेता तथा पूर्व सांसद हितबहादुर तामाङले भवनको शिलान्यास गरेका हुन् ।
केन्द्र,प्रदेश,पालिका र हितबहादुर तामाङ सांसद कोष ६० लाख, राधिका तामाङ ४५ लाख, बद्री मैनाली २७ लाख गरी कुल ८ करोडको लागतमा भवन निर्माण सम्पन्न हुने गाउँपालिकाले जनाएको छ।
सो शिलान्यास समारोह नेकपा नेता तथा पूर्व सांसद हितबहादुर तामाङको प्रमुख आतिथ्यता, नेकपा पञ्चकन्या गाउँपालिकाका अध्यक्ष मीनबहादुर केसि, इन्चार्ज अर्जुन कार्की , गाउँपालिका अध्यक्ष रमेश तामाङ लगायत जनप्रतिनिधिहरुको उपस्थिति रहेको थियोे।
कार्यक्रममा पुरुषोत्तम खड्का,अर्जुन कार्की,मीन बहादुर केसि,वडा नम्बर ५ अध्यक्ष मधु थापा, रामबाबु पराजुली,गाउँपालिकाका अध्यक्ष तेजबहादुर तामाङ, प्रमुख प्रशासकीय अधिकृत नरेश पुडासैनी, उपाध्यक्ष सीता पराजुली लगायतले मन्तव्य राखेका थिए।