अफगानिस्तानको खानबादमा झडप, २६ को मृत्यु

एजेन्सी,माघ २३ । अफगानिस्तानको उत्तरी प्रान्त कुन्दुजको खानबादमा झडप भएको छ। झडपमा परी २६ जनाको मृत्यु भएको अन्तर्राष्ट्रिय सञ्चारमाध्यमहरुले जनाएका छन् ।

झडपमा सरकार समर्थक १६ लडाकू र १० तालिबान लडाकूको मृत्यु भएको जिल्ला उपप्रमुख क्युट्रातुल्लाह साफीले बताए ।

यस झडपमा सरकार समर्थक लडाकूका कमाण्डर अब्दुल हाकिमसहित १६ जनाको मृत्यु भएको छ भने तालिबान विद्रोहीतर्फ १० जना मारिएका जनाइएको छ । तालिबान लडाकू पाँचसहित नौ जना घाइते भएकासमेत साफीले बताए ।