बस दुर्घटना हुँदा ५ बालबालिकासहित १४ जनाको मृत्यु

एजेन्सी,माघ २० । पाकिस्तानमा यात्रुबाहक बस दुर्घटना हुँदा १४ जनाको मृत्यु भएको छ । दक्षिणपश्चिम बलोचिस्तान प्रान्तमा मंगलबार बस दुर्घटना हुँदा चार जना महिला पाँच जना बालबालिकासहित १४ जनाको मृत्यु भएको हो ।

दुर्घटनामा अन्य नौ जना गम्भीर घाइते भएको प्रहरीले जनाएको छ । घाइतेलाई नजिकको अस्पताल भर्ना गरिएको छ । घाइतेमध्ये केहीको अवस्था चिन्ताजनक रहेको बताइएको छ ।

कमजोर प्रकाशका कारण मुख्य राजमार्गमा बस दुर्घटना हुन पुगेको प्रहरीको प्ररम्भिक अनुसन्धानबाट खुलेको छ ।