थप १ सय ५७ जनामा कोरोना संक्रमण पुष्टी, ५ जनाको मृत्यु
काठमाडौं माघ १६ ।
पछिल्लो २४ घण्टामा नेपालमा एक सय ५७ जनामा कोरोना भाइरसको सङ्क्रमण पुष्टि भएको छ ।
तीन हजार दुई सय २१ जनाको पीसीआर परीक्षण गर्दा एक सय ५७ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । योसँगै नेपालमा कोरोना सङ्क्रमण हुनेको सङ्ख्या दुई लाख ७० हजार सात सय ४५ पुगेको छ ।
यस्तै पछिल्लो २४ घण्टामा तीन सय ३३ जना निको भएसँगै कोरोना सङ्क्रमणमुक्त हुनेको सङ्ख्या दुई लाख ६५ हजार ६ सय ९८ पुगेको छ ।
साथै पछिल्लो २४ घण्टामा कोरोना सङ्क्रमणबाट पाँच जनाको ज्यान गएको छ । योसँगै ज्यान गुमाउनेको सङ्ख्या दुई हजार २५ पुगेको स्वास्थ्य मन्त्रालयले जनाएको छ ।
अहिले नेपालमा तीन हजार २२ जना सक्रिय सङ्क्रमित रहेका छन् । सक्रिय सङ्क्रमितमध्ये एक सय ४७ जना आईसीयू र २७ जना भेन्टिलेटरमा रहेका छन् ।