झोरका विशेष नागरिकलाई सम्मान
काठमाडौ,माघ ११ । टोखा नगरपालिका वडा नम्बर १ झोरका विशेष नागरिकलाई सम्मान प्रदान गरिएको छ। आइतबार झोरस्थित बौडेश्वर माध्यमिक विद्यालयमा वडा कार्यलयद्वारा आयोजित एक कार्यक्रमबीच वडा नम्बर १ सेवा क्षेत्रका जेष्ठ नागरिक, एकल महिला, दलित बालबालिका तथा अशक्त नागरिकलाई सम्मान गरिएको हो।
टोखा नगरपालिकाकी उपमेयर ज्ञानमाया डङोलको प्रमुख आतिथ्यता भएको उक्त कार्यक्रममा वडा नम्बर १ सेवा क्षेत्रका २ सय ८० जना जेष्ठ नागरिक, एकल महिला, अशक्त तथा बालबालिकालाई सम्मान गरिएको थियो।
आफ्ना नागरिकको स्वास्थ्य सुरक्षालाई मध्यनजर गर्दै जाडोयामका लागि अत्यावश्यक फाइबर सिरक वितरण गरिएको वडा नम्बर १ कार्यालयले जनाएको छ। समाजमा रहेका वयोवृद्ध , अशक्त तथा एकल नागरिकको जीवन कष्टकर हुने र थोरैमात्रमा राहतस्वरुप सानो कार्यक्रम आयोजना गरिएको वडा नम्बर १ का अध्यक्ष श्रीकृष्ण अधिकारीले बताए।
