दाहाल-नेपाल नेतृत्वको पार्टी आधिकारिक हो : योगेश भट्टराई

काठमाडौं माघ ६ ।

नेपाल कम्युनिस्ट पार्टी नेकपा प्रचण्ड–नेपाल समूहका नेता योगेश भट्टराईले पुष्पकमल दाहाल ‘प्रचण्ड’ र माधवकुमार नेपालले नेतृत्व गरेको पार्टी आधिकारिक भएको दाबी गरेका छन्।

काठमाडौंमा आयोजित प्रेस संगठन नेपालको दोस्रो भेलालाई सम्बोधन गर्दै भट्टराईले प्रधानमन्त्री केपी शर्मा ओली गुटतिर लागेको र प्रचण्ड–नेपालले नेतृत्व गरेका नेकपा आधिकारिक भएको बताएका हुन्।

नेता भट्टराईले कम्युनिस्ट पार्टी एकतावद्ध भएर जानका लागि अब आफ्नो पक्षमा जिम्मेवारी आइपरेको बताए। मुलुक र समाजको रक्षाको लागि एकताबद्ध भएर लाग्नुपर्ने उनले तर्क गरे।