नेकपा ओली समूहको पनि कार्की पाटी प्यालेसमै बुधबार भेला तथा प्रशिक्षण
काठमाडौं पुस १४ । नेकपा (ओली समूह) को सुदूरपश्चिम प्रदेशका कार्यकर्ताहरुको भेला तथा प्रशिक्षण बबरमहलस्थित कार्की पाटी प्यालेसमा हुँदै छ ।
दिउँसो १२ बजे कार्की ब्यांक्वेट बबरमहलमा ओली समूहले कार्यकर्ता भेला तथा प्रशिक्षण कार्यक्रम राखेको हो । कार्यक्रममा प्रधानमन्त्री केपी शर्मा ओली आफैं उपस्थित हुने सम्भावना छ ।
यसअघि कार्की ब्यांक्वेटमै दुई दिनसम्म प्रचण्ड–नेपाल समूहको केन्द्रीय कमिटी बैठक बसेको थियो । बैठकले ओलीलाई अध्यक्षबाट हटाउने र संसद विघटनविरुद्ध आन्दोलन गर्ने निर्णय गरेको थियो ।
प्रधानमन्त्री ओलीले पुस ५ मा प्रतिनिधिसभा विघटन भएपछि नेकपा विभाजन भएको छ । त्यसपछि एक पक्ष आन्दोलन र बैठक भेलामा छन् भने ओली समूह भेला र प्रशिक्षणमा देखिन्छ ।