जापानको मन्त्रिपरिषदद्वारा १० खर्ब डलर बजेट प्रस्तुत
एजेन्सी, पुष ६ । सन २०२१ का लागि जापानको मन्त्रिपरिषदद्वारा सोमबार प्रस्तुत १० खर्ब अमेरिकी डलर (१०६० खर्ब येन) को बजेट सरकारले स्वीकृत गरेको छ । यो पछिल्ला नौ वर्षदेखिको सबैभन्दा ठूलो बजेट हो ।
जापान सरकारले कोरोना भाइरस संक्रमण र स्वास्थ्य सेवा प्रणालीमा चुनौती थपिएको भन्दै ५० खर्ब येन छुट्याइएको उल्लेख छ । जापानी अर्थमन्त्री तारो आसोले कोरोना भाइरस संक्रमण रोक्नुपर्ने, अर्थतन्त्रको पुनरुत्थान गर्नुपर्ने तथा देशको आर्थिक स्वास्थ्यमा सुधार ल्याउनुपर्ने चुनौती रहेको बताए ।
जापानको प्रस्तावित बजेटमा ३३ अर्ब येन रक्षाका लागि छुट्याइएको छ । जापानले अमेरिकासँग खरिद गर्न लागेको अत्याधुनिक क्षेप्यास्त्र प्रणालीका विषयमा अझै सहमति जुटिसकेको छैन । रक्षा मन्त्रालयले जापानी युद्धपोतलाई थप सुसज्जित बनाउने कार्यक्रम पनि जारी छ ।