उपत्यकामा एकैदिन ७ सय २३ जनामा कोरोना संक्रमण पुष्टि

काठमाडौं, मंसिर १७ । काठमाडौं उपत्यकामा बुधबार एकै दिन ७ सय २३ जनामा कोरोना संक्रमण पुष्टि भएको छ । देशभर १४ सय ९० जनामा कोरोना पुष्टि भएकोमा उपत्यकामा मात्रै ७ सय २३ जनामा संक्रमण पुष्टि भएको हो ।

त्यसैगरी बितेको २४ घन्टामा १५ सय ६७ जना कोरोना संक्रमण मुक्त भई घर फर्केका छन् । हालसम्म कोरोना मुक्त भई घर फर्कनेको सख्या २ लाख १८ हजार १ सय ६१  रहेको छ ।

बुधबार काठमाडौं उपत्यकामा थपिएका ७ सय २३ जना मध्ये ३२५ महिला र ३९८ पुरुष रहेको स्वास्थ्य मन्त्रालयले जनाएको छ।