थप १२ सय ५५ जनामा कोरोना संक्रमण पुष्टी, १४ सय ४ जना डिस्चार्ज

काठमाडौं मंसिर १४ ।

पछिल्लो २४ घण्टामा नेपालमा १ हजार २५५ जना कोरोना संक्रमित भेटिएका छन् ।

योसँगै नेपालमा कुल संक्रमितको संख्या २ लाख ३१ हजार ९७८ पुगेको स्वास्थ्य तथा जनसंख्या मन्त्रालयले जानकारी दिएको छ। नेपालमा आइतबार थप २५ जना कोरोना संक्रमितको मृत्यु भएको छ। योसँगै कोरोना संक्रमित मृतकको संख्या १ हजार ४ सय ७९ पुगेको स्वास्थ्य तथा जनसंख्या मन्त्रालयले अद्यावधिक गरेको तथ्यांकमा उल्लेख छ।

नेपालमा हालसम्म १७ लाख २७ हजार ८३६ जनाको पिसिआर परीक्षण भएको छ। हाल क्वारेन्टाइनमा ६३२ रहेको मन्त्रालयले जनाएको छ। नेपालमा हालसम्म कुल संक्रमितमध्ये १७ हजार ९०९ जना सक्रिय संक्रमित छन्।

थप १४०४ जना कोरोना संक्रमणमुक्त भएका छन् । योसँगै कुल निको हुनेको संख्या २ लाख १२ हजार ५९० पुगेको छ ।