कमेडियन भारतीको घरबाट गाँजा बरामद, पति–पत्नी एनसीबीको हिरासतमा
एजेन्सी मंसिर ६ ।
हाँस्य कलाकार भारती सिंह र उनका पति हर्ष लिम्बाचियालाई अनुसन्धानका लागि नारकोटिक्स कन्ट्रोल ब्युरो एनसीबीले नियन्त्रणमा लिएको छ ।
सिंह दम्पत्तिको मुम्बई निवासमा ब्यूरोले छापा मार्दा सानो मात्राको भाङ बरामद भएपछि अनुसन्धानका लागि नियन्त्रणमा लिएको भारतीय सञ्चार माध्यमहरुले जनाएका छन् ।
हर्ष एनसीबीका अधिकारीहरूसँगै सेतो भ्यानमा गएका थिए । भारती भने रातो मर्सिडीज कारमा आफैं गएकी थिइन् । ड्रगको मामिलामा छानविन गर्ने क्रममा भारती सिंहको नाम पनि मुछिएपछि छानविन गरिएको एनसीबी अधिकारीलाई उधृत गर्दै समाचार एजेन्सीले जनाएका छन् ।
सिंहको घरमा खानतलासी गर्दा थोरै मात्रामा गाँजा बरामद भएको ती अधिकारीले बताए ।