पाकिस्तानी फौजको आक्रमणबाट चार भारतीय सुरक्षाकर्मीसहित दशको मृत्यु

एजेन्सी, कात्तिक २८ । भारतको जम्मु काश्मिरमा पाकिस्तानी फौजको आक्रमणबाट चार भारतीय सुरक्षाकर्मीसहित दश जनाको मृत्यु भएको छ । शुक्रबार भारत पाकिस्तान सीमा क्षेत्रको गुरेज क्षेत्रबाट उरी क्षेत्रमा भएको घटनामा उनीहरुको मृत्यु भएको समाचार एजेन्सी पीटीआइले जनाइएको छ ।

तीन भारतीय सैनिक, एक सीमा सुरक्षाकर्मी र छ सर्वसाधारणको मृत्यु भएको समाचार एजेन्सी पीटीआइले जनाएको हो । घटनामा आठजना सर्वसाधारण घाइते भएका छन् ।

भारतीय सैनिक अधिकारीले पाकिस्तानले मोर्टारसहितका हतियार प्रहार गरेको जनाएका छन् । यसलाई पाकिस्तानले युद्धविराम उल्लंघन गरेको भारतीय सैनिकका कर्णेल राजेश कालियाले जनाएको पीटीआइले उल्लेख गरेको छ ।