थप २८ सय १७ जनामा कोरोना संक्रमण पुष्टि , २८ सय १२ डिस्चार्ज
काठमाडौं कात्तिक २३ ।
नेपालमा पछिल्लो २४ घण्टामा थप २८ सय १७ जनामा कोरोना संक्रमण पुष्टि भएको छ। यससँगै हालसम्म मुलुकमा कोरोना संक्रमित हुनेको कुल संख्या १ लाख ९४ हजार ४५३ जना पुगेको छ।
स्वास्थ्य तथा जनसंख्या मन्त्रालयका अनुसार हाल मुलुकमा कुल ३५ हजार ४ सय १९ जना सक्रिय संक्रमित रहेका छन् । यसमध्ये होम आइसोलेसनमा २९ हजार १ सय ९७ जना र संस्थागत आइसोलेसनमा ६ हजार २ सय २२ जना रहेका छन् ।
त्यस्तै थप २८ सय १२ जना निको भएका छन् । यससँगै हालसम्म मुलुकमा कोरोना संक्रमण भएर पनि निको हुनेको संख्या १ लाख ५७ हजार ९ सय २६ पुगेको छ । आइतवार १२ हजार ३ सय ११ नमुना परिषण भएसंगै हालसम्म मुलुकमा १५ लाख ४० हजार ७७ वटा पीसीआर नमूना परीक्षण भएको छ ।
हाल मुलुकमा ३९८ जना आईसीयूमा र ८२ जना भेन्टिलेटरमा उपचाररत रहेका छन् । क्वारेन्टिनमा ११४९ जना रहेका छन् ।