दशैं नजिकिएसंगै काठमाडौंबाट बाहिरिने यात्रुको संख्या बढ्दै
काठमाडौं कात्तिक ६ ।
दशैं नजिकिएसंगै काठमाडौंबाट बाहिरिने यात्रुको संख्या बढ्दै गएको छ ।
हिजो बिभिन्न नाकाबाट ४ हजार ७०३ ओटा सवारी साधनमा २५ हजार २१८ जना यात्रु उपत्यकाबाट बाहिरिएका ट्राफिक प्रहरीले जनाएको छ । हिजो नै विभिन्न नाकाबाट ४ हजार ५७१ सवारी साधनमा १६ हजार ३५७ यात्रु काठमाडौं उपत्यका भित्रिएका छन ।
पछिल्लो चौबिस घण्टामा अर्थात बुधबार ४१ हजार ५७५ जना यात्रुले विभिन्न नाकाबाट काठमाडौं उपत्यकामा आउजाउ गरेका छन । मंगलबार ३७ हजार २७० यात्रुले विभिन्न नाकाबाट काठमाडौं उपत्यकामा आउजाउ गरेका थिए ।
उक्त दिन १४ हजार ९७१ जना यात्रु विभिन्न नाकाबाट काठमाडौं उपत्यका प्रवेश गरेका थिए भने २२ हजार २९९ जना यात्रु उपत्यकाबाट बाहिरिएका थिए।सोमबार ३९ हजार ६४० जनाले बिभिन्न नाकाबाट काठमाडौं उपत्यकामा आउजाउ गरेका थिए । सोमबार १६ हजार ३०४ जना यात्रु उपत्यका भित्रिएका थिए भने २३ हजार ३३६ जना यात्रु उपत्यकाबाट बाहिरिएका थिए ।
