पछिल्लो २४ घण्टामा कोरोनाले १८ को मृत्यु, १५०३ डिस्चार्ज

काठमाण्डौं,असोज २७ । नेपालमा कोरोना संक्रमितहरु निको हुने दर घटेको छ । पछिल्लो केहि अघि सम्म ७३ प्रतिशत सम्म निको भएकामा घटेर अहिले ६८ प्रतिशतमा झरेको छ । पछिल्लो २४ घण्टामा ३५५६ जना संक्रमित बढ्दा जम्मा १५०३ जना मात्रले कोरोना जीतेका छन् ।

हालसम्म ७८ हजार बढी कोरोना मुक्त भएका छन् । जब कि संक्रमितको संख्या एक लाख १५ हजार नाघेको छ । सक्रिय संक्रमित ३५ हजार नाघेका छन् । अहिले आईसीयूमा ३०७ र भेन्टिलेटरमा ६६ जना बिरामी रहेका छन् ।

मन्त्रालयका अनुसार पछिल्लो २४ घण्टामा १८ जनाको मृत्यु भएको छ। यससँगै नेपालमा कोरोनाले मृत्यु हुनेको संख्या ६६३ पुगेको छ। नेपालमा मृत्युसंख्या बढीरहेको छ भने निको हुने दर घटेको छ र संक्रमण निरन्तर बढीरहेको स्वास्थ्य मन्त्रालयले जनाएको छ ।