उपत्यकामा पछिल्लो २४ घण्टामा २१२९ जनामा कोरोना पुष्टि
काठमाडौं, असोज २७ । काठमाडौं उपत्यकामा पछिल्लो २४ घण्टामा २१ सय २९ जनामा कोरोना संक्रमण पुष्टि भएको छ । देशभर ३५ सय ५६ जनामा कोरोना पुष्टि भएकोमा उपत्यकाका जिल्लामा मात्रै २१ सय २९ जना थपिएको स्वास्थ्य मन्त्रालयले जनाएको छ । स्वास्थ्य मन्त्रालयको नियमित पत्रकार सम्मेलनमा प्रवक्ता डा.जागेश्वर गौतमले १५ हजार ५ सय ७७ जनाको पिसीआर परिक्षणमा ३५ सय ५६ जनाको रिर्पोट पोजेटिभ आएको जानकारी दिएका हुन् ।
त्यसैगरी बितेको २४ घण्टामा १५०३ जना कोरोना संक्रमण मुक्त भई घर फर्केका छन् । हालसम्म निको भई घर फर्कनेको सख्या ७८ हजार ७ सय ८० रहेको छ । काठमाडौं उपत्यकामा थपिएका मध्ये काठमाडौंका १७ सय ४६ जना र ललितपुरका २ सय १६ जना र भक्तपुरका १ सय ६७ जना रहेका छन् । देशभर कुल संक्रमितको सख्या १ लाख १५ हजार ३ सय ५८ पुगेको छ ।
