पछिल्लो २४ घन्टामा थपिए २४ सय ४० कोरोना संक्रमित
काठमाडौं असोज १९ । नेपालमा २४ सय ४० कोरोना भाइरस संक्रमित थपिएका छन् । पछिल्लो २४ घन्टामा २४ सय ४० जनामा कोरोना संक्रमण देखिएको स्वास्थ्य तथा जनसंख्या मन्त्रालयको सोमबारको पत्रकार सम्मेलनमा जानकारी दिइएको हो ।
प्रवक्ता डा जागेश्वर गौतमले २४ घन्टामा १३ हजार ७२१ पीसीआर परीक्षण भएका छन् । मुलुकभर २३ हजार ५ सय ७ सक्रिय संक्रिमत रहेको उनले जनाए ।
यससँगै कुल संक्रमितको सख्ंया ८९ हजार २६३ पुगेको छ । उनीहरुमध्ये ५५४ जनाको मृत्यु भएको छ भने ६५ हजार २०२ जना संक्रमणमुक्त भएका छन् । पछिल्लो २४ घण्टामा मात्र ११३३ जना संक्रमणमुक्त भएका छन् ।
