मट्टीतेल र डिजेलको मुल्य घट्यो
काठमाडौं,असोज १६ । नेपाल आयल निगमले मट्टीतेल र डिजेलको मूल्य घटाएको छ ।
निगमले बिहीबार राती १२ बजेदेखि नै लागु हुने गरी डिजेल र मट्टीतेलको मूल्य १/१ रुपैयाँका दरले घटाएको हो ।
डिजेल तथा मट्टीतेलको मूल्य ८९ रुपैयाँ कायम गरिएको छ ।
पेट्रोलको मूल्य भने १०७ रुपैयाँ नै यथावत रहेको निगमले जनाएको छ ।
भारतीय आयल निगमबाट डिजेलको मूल्य घटेर आएकाले नेपालमा पनि भाउ घटाएको निगमले जनाएको छ ।
