यस्ता छन् आइतवार बसेको मन्त्रिपरिषद बैठकका निर्णयहरु
काठमाडौं असोज ११ ।
मन्त्रिपरिषद् बैठकले कृषि अनुसन्धान परिषद् नार्कको कार्यकारी निर्देशकमा डा.दीपक भण्डारीलाई नियुक्त गरेको छ ।
अइतवार बसेको मन्त्रिपरिषदको आकस्मिक बैठकले केही महिनादेखि निमित्त कार्यकारी निर्देशकको रुपमा कार्यरत् रहनुभएका भण्डारीलाई नै कार्यकारी निर्देशक पदमा नियुक्त गरेको हो ।
यसैगरी, नेपाल र इजरायलबीच कृषि प्रविधि हस्तान्तरणसम्बन्धी सम्झौता हुने भएको छ । बैठकले इजरायलयका लागि नेपाली राजदूत डा. अञ्जान शाक्यलाई सम्झौता गर्ने अख्तियारी प्रदान गरेको हो । अघिल्लो मन्त्रिपरिषद् बैठकले श्रम सम्बम्धी सम्झौता गर्न राजदूत शाक्यलाई अख्तियारी प्रदान गरेको थियो ।
नियमित रुपमा सोमबार तथा विहीवार बस्ने गरेको बैठक आइतवार नै राखिए पनि कुनै विशेष प्रस्तावबारे छलफल नभएको बताइएको छ ।