त्रिशूली नदीमा ट्याङ्कर खसेर आगलागी, चालक, सहचालक बेखबर

धादिङ असोज ४ । धादिङबाट ना ४ ख २८२२ नम्बरको पेट्रोल बोकेको ट्याङ्कर जिल्लाको गल्छी गाउँपालिका–६ चरौँदीबाट त्रिशूली नदीमा खसेर आगलागी भएको छ ।

आइतबार बिहान खसेको ट्याङ्कर चालक र सहचालक कहाँ छन् भन्ने कुनै जानकारी नभएको ट्राफिक प्रहरी कार्यालय गजुरीका प्रहरी निरीक्षक नेत्र भट्टले जानकारी दिए ।

नदीमा खसेको ट्याङ्कर पानीमा डुबेको छ भने केही भाग देखिएको छ । उद्धार कार्य भइरहेको प्रहरीले जनाएको छ ।