नारायणगढ–मुग्लिन सडकखण्ड सुचारु
चितवन भदौ ३१ ।
नारायणगढ–मुग्लिन सडकखण्डको चार किलो र पाँचकिलोमा बुधवार बिहान खसेको पहिरो पन्छाएसँगै सडक सञ्चालनमा आएको छ ।
सडकका चार ठाउँमा एकतर्फी सञ्चालनमा रहेका छन् भने अन्य ठाउँ सफा गरिएको छ ।
जिल्ला ट्राफिक प्रहरी कार्यालयका प्रमुख दयाकृष्ण भट्टकाअनुसार बिहान ५ः४५ बजेको समयमा ती दुवै ठाउँमा पहिरो खसेर सडक अवरुद्ध भएको थियो । पहिरो पन्छाएसँगै बिहान ११ः०० बजेदेखि सवारी आवागमन शुरु भएको उनले जानकारी दिए ।
