चट्याङ लागेर दुईको मृत्यु

काठमाडौ,बैशाख-३।दार्चुलाको शैल्यशिखर नगरपालिका–६ तिखाधारमा चट्याङ लागेर एक बालिकाकोे मृत्यु भएको छ ।मृत्यु हुनेमा सात वर्षीया लक्ष्मी खाती रहेकी छन।उनको घरभित्रै बसिरहेको अवस्थामा मङ्गलबार राति चट्याङ लागी मृत्यु भएको जिल्ला प्रहरी कार्यालय दार्चुलाका प्रहरी निरीक्षक सुरेन्द्रप्रसाद जोशीले जानकारी दिए । घटनामा परि अन्य पाँच जना परिवारका सदस्य समेत घाइते भएका छन् । राति ८ बजे घरमा चट्याङ परेको हो ।

त्यसैगरी मकवानपुरमा आज बिहान परेको चट्याङले एक जनाको मृत्यु भएको छ। इलाका प्रहरी कार्यालय मनहरीले जनाए अनुसार मृत्यु हुने राक्सिराङ गाउँपालिका–७ धिराङ निवासी ४१ वर्षीय चैत्र प्रजा रहेका छन्।