टोखा धापासीमा एक घरमा आगलागी

काठमाडौ,पुस ४ । काठमाडौंको टोखा नगरपालिका–६ धापासीस्थित एक घरमा आगलागी भएको छ । आगलागी भएको घर स्थानीय भाइकाजी श्रेष्ठको रहेको प्रहरीले जनाएको छ ।

प्रहरीका अनुसार साँझ ५ बजेर २३ मिनेटको समयमा घरमा आगलागी भएको हो । आगलागीबाट साढे तीन तलाको घर पूरै जलेको छ ।

अहिले दमकल पुगेर निभाउने प्रयास भइरहेको छ । काठमाडौं, ललितपुर, भक्तपुरबाट दमकल, नेपाल प्रहरी र स्थानीयको सहयोगमा आगो निभाउने काम भइरहेको प्रहरीले जनाएको छ ।