तारकेश्वर बस दुर्घटना: ज्यान गुमाउने दुई यात्रु नुवाकोटका

काठमाडौँ,मंसिर १५  । काठमाडौँको तारकेश्वरमा शनिबार बस दुर्घटना भएको छ । दुर्घटनापछि बसमाथि तोडफोड भएको छ ।

तारकेश्वर काभ्रेस्थलीबाट रत्नपार्क जान लागिरहेको बा ४ ख ७१११ को  बस बाटोमा रोकिरहेको बा ३ क १६६६ गाडीसँग ठोकिँदा बिहान करिब ७ बजे तारकेश्वर-८ लामबगरमा दुर्घटना भएको थियो । दुर्घटनामा दुई जनाको घटनास्थलमै मृत्यु भएको थियो । मृत्यु हुनेमा नुवाकोट ककनी गाउँपालिका-५ का ४५ वर्षीय सञ्चबहादुर लामा र तादी गाउँपालिका-१ का ५८ वर्षीय सुन्तली ओझाको मृत्यु भएकाे प्रहरीले जनाएको छ।

अहिले भने स्थिति नियन्त्रणमा रहेको र गाडीलाई पुलिसको स्कर्टिङद्वारा बालाजु चौकीमा लगिएको छ।