ठूलो परिणामको गाँजासहित सिन्धुलीबाट एक युवक समातिए

काठमाडौं,मंसिर ८ । सिन्धुलीमा ठूलो परिमाणको गाँजासहित एक जना पक्राउ परेका छन् । पक्राउ पर्नेमा गाडी चालक चितवनको गितारनगरका शेरबहादुर लामा रहेका छन् ।

शुक्रबार राती इलाका प्रहरी कार्यालय भिमान सिन्धुलीबाट खटीएको प्रहरी टोलीले कमलामाई नगरपालिका-९ चेकपोष्ट स्थित विपि राजमार्गमा सवारी साधनहरु चेकजाँच गर्ने क्रममा चितवनबाट हेटौंडा,सिन्धुली हुँदै बर्दीबास तर्फ जाँदै गरेको बा-प्र- ०३-००१ च २२८० नं को पिकअप गाडिमा फल्स बटम बनाई लुकाई छिपाई ल्याएको अवस्थामा गाँजासहित युवकलाई नियुन्त्रणमा लिईएको हो ।

यसबारे थप अनुसन्धान सुरु गरिएको जिल्ला प्रहरी कार्यालय सिन्धुलीले जानकारी दिएको छ ।