विश्व क्रिकेटमा कोहलीको कीर्तिमानी ५० औं शतक
काठमाडौं,कात्तिक ३० । विश्व क्रिकेटमा भारतका ब्याट्सम्यान विराट कोहलीले कीर्तिमानी शतक प्रहार गरेका छन् । बुधबार भएको विश्वकप क्रिकेट २०२३ को पहिलो सेमिफाइनलमा न्युजिल्यान्डविरुद्ध कोहलीले कीर्तिमानी ५० औं शतक बनाएका हुन् ।
उनको यो शतकसँगै सचिन तन्दुलकरको नाममा रहेको ४९ शतकको कीर्तिमान तोडिएको हो। क्रिकेटर कोहलीले २ सय ७८ इनिङ्समा ५० शतक प्रहार प्रहार गरेका थिए ।
घरेलु मैदानमा जारी एक दिवसीय विश्वकपको सेमिफाइनलमा भरतले न्युजिल्याण्डलाई ३९८ रनको लक्ष्य दिएको छ । टस जितेर पहिला ब्याटिङ गरेको भारतले निर्धारित ५० ओभरमा ४ विकेट गुमाएर ३९७ रन जोड्यो ।
भारतका लागि कोहलीले ११७, श्रेयसले १०५ र सुमन गीलले ८० रन जोडे । अहिले न्युजिल्यान्डले जवाफी ब्याटिङ गरिराखेको छ ।