नेपाल १६७ रनमा अलआउट
काठमाडौं,असार ९। नेपालले नेदरल्याण्डसलाई १६८ रनको लक्ष्य दिएको छ । आइसीसी क्रिकेट विश्वकप क्वालिफायर अन्तर्गत समुह ए अन्तर्गतको खेलमा टस हारेर पहिला ब्याटिंग गरेको नेपालले नेदरल्याण्डसलाई १६८ रनको लक्ष्य दिएको हो ।
नेपालले ४४.३ ओभरमा अल आउट हुदै १६७ रन बनाएको हो । नेपालका लागि कप्तान रोहित पौडेलले सर्बाधिक ३३ रन बनाए भने सन्दीप लामिछाने र कुशल भुर्तेलले २७-२७ रन बनाए । त्यस्तै भिम सार्कीले २२, गुलशन झाले १५, दिपेन्द्र सिंह ऐरीले १४, कुशल मल्लले १२ रन बनाएका थिए ।
त्यस्तै नेदरल्याण्डसका बलर लोगान भान बीकले ४ विकेट लिए भने बास डी लीड र विक्रमजित सिंहले २-२ विकेट लिएका थिए । त्यस्तै क्लेटन फ्लोयड र आर्यन दत्तले एक एक विकेट लिएका थिए ।