हेटौंडामा एमाले प्रवेश गर्नेको लर्को, एकैदिन ४२१ जना एमालेमा प्रवेश
हेटौंडा,भदौ ८ । हेटौंडामा एमाले प्रवेश गर्नेको लर्को लागेको छ। मकवानपुरको क्षेत्र नम्बर १ को हेटौंडा १७ र १८ मा विभिन्न पार्टी परित्याग गर्दै ४२१ जना नेकपा एमालेमा प्रवेश गरेका हुन ।
नेकपा एमालेको आयोजनामा पार्टी शुद्धीकरण एवं पार्टी प्रवेश कार्यक्रममा नेकपा माओवादी, राप्रपा र नेपाली कांग्रेस लगायत विभिन्न पार्टी परित्याग गर्दै ४२१ जना नेकपा एमालेमा प्रवेश गरेको एमाले मकवानपुरका जिल्ला सदस्य नरहरी महतले जानकारी दिए ।
मंगलबार दिउँसो भोर्लेमा भएको कार्यक्रममा विभिन्न पार्टी परित्याग गर्दै एमाले प्रवेश गर्नेहरुलाई नेकपा नेकपा एमालेका केन्द्रीय सदस्य एवं मकवानपुरका इन्चार्ज रामेश्वर राना,मकवानपुर क्षेत्र नंबर १ का सांसद तथा अर्थ समितिका सभापति कृष्ण प्रसाद दाहाल, राष्ट्रिय सभाका सदस्य रामचन्द्र राई ,एमाले मकवानपुरका अध्यक्ष एकालाल श्रेष्ठ, हेटौंडा उपमहानगरपालिकाका मेयर हरि बहादुर महत लगाएतले टिका र खादा लगाएर स्वागत गरेका थिए ।