युवा संघद्धारा बाँदरे जुलुस प्रदर्शन

काठमाडाैँ,साउन ५ । नेकपा एमालेको भातृ संगठन राष्ट्रिय युवा संघ नेपालले बाँदरे जुलुस प्रदर्शन गरेको छ । संघको केन्द्रीय कमिटीको आयोजनामा माधव कुमार नेपाल समूहलाई लक्षित गर्दै मंगलबार नयाँ बानेश्वरमा  बाँदरे जुलुस निकालेको हो ।

आफ्नो पार्टीको सरकार ढाली दक्षिणपन्थी तथा भारतलाई कम्फर्टेवल सरकार बनाउन माधव नेपालसहित २२ जनाले देउवा सरकारलाई विश्वासको मत दिएको भन्दै उक्त समूहलाई बाँदरे प्रवृक्ति भन्दै बाँदरे जुलुस निकालेको हो । उनीहरुले बाँदरजस्तो मुकुण्डो लगाएर नयाँ वानेश्वरमा प्रदर्शन गरेका हुन् ।

संघले माधव समूह नेपाली कम्युनिष्ट आन्दोलनको गद्धार भएको उल्लेख गर्दै उक्त समूह देश र जनताको लागि अभिसाप भएको समेत बताएको छ ।