नुवाकोटमा कोरोना संक्रमितको संख्या दिनानुदिन वृद्धि, आज मात्रै ४५ थपिए

नुवाकोट,वैशाख १८ । नुवाकोटमा कोरोना संक्रमितको संख्या दिनानुदिन वृद्धि भैरहेको छ। बितेको २४ घण्टामा जिल्लाका ४५ जनामा कोरोना संक्रमण पुष्टि भएको स्वास्थ्य कार्यालय नुवाकोटले जनाएको छ ।

पछिल्लो संक्रमितमध्ये विदुर नगरपालिकाको मात्रै ३२ जना रहेका छन् । यससँगै जिल्लामा कोरोना संक्रमितको संख्या १३ सय ४१ पुगेको छ भने कोरोनामुक्त भइ घर फर्कनेको संख्या ११ सय ७२ पुगेको छ ।

यता जिल्ला स्वास्थ्य कार्यालय नुवाकोटले भने संक्रमणदर दिनहुँ वृद्धि भएसंगै उपत्यकासहित अन्यत्र क्षेत्रबाट नुवाकोट प्रवेश गर्ने जोकोहीले १० दिन अनिवार्य क्वारेन्टाइनमा बस्न सुझाएको छ।