सिन्धुपाल्चोकमा एसपीसहित २६ मा कोरोना संक्रमण पुष्टि

सिन्धुपाल्चोक,वैशाख १८ । जिल्लामा प्रहरी प्रमुख एसपीसहित २६ जनामा कोरोना संक्रमण पुष्टि भएको छ। जिल्लाका प्रहरी प्रमुख एसपी राजन अधिकारी सहित थप २६ जनामा कोरोना संक्रमण पुष्टि भएको हो। यसअघि जिल्लाका सिडियो अरुण पोखरेललाई पनि कोराना संक्रमण पुष्टि भएको थियोे ।

जिल्ला तहका ६० जनाको पीसीआर परीक्षणका लागि पठाइएमा २६ जनाको कोरोना पोजिटिभ पाइएको हो ।  २६ जनामध्ये १६ महिला र १० पुरुषमा संक्रमण देखिएको छ । 

संक्रमितहरु सबै चौतारा नगरक्षेत्रका छन् । यससँगैं सिन्धुपाल्चोमा संक्रमितको संख्या ८३ पुगेको जिल्ला स्वास्थ्य कार्यालय सिन्धुपाल्चोकले जनाएको छ ।